ek udas nazm mujh se kafan mangti hai wo mazid jina nahin chahti main use bahut samjhata hun wo zid karne lagti hai main kafan kharidne ke liye ghar se nikal padta hun koi bhi apni nazm ko aankhon ke samne marte hue nahin dekh sakta main kafan nahin kharidta khud ko mar dalta hun nazm kafan ke baghair apne-ap ko nahin maregi wo mera intizar karegi intizar kisi ko bhi zinda rakh sakta hai