tang-o-tarik si kothari mein
moti moti salakhon ke pichhe

ghaliz se farsh par pada hai
wo ek qaidi

pareshan baal hain aur zard chehra
ho jaise haddiyon ka ek dhancha

padi hain bediyan panw mein us ke
hai jurm us ka apna faqat is qadar

ki rah rah ke wo sochta hai yahi
wo zindan mein kis jurm par band hai

soche wo kyun na aakhir
us ki ragon mein bhi to

dusre aazad logon ki tarah
daudta hai zindagi ka garm khun