kath-putli ne natak khela nannhi munni gudiya rani sar pe chandariya dhani dhani bolo rani bolo rani baalon mein taron ko gundhe dur khadi jaane kya soche pair mein ghunghru chham-chham chham kan ke baale cham-cham cham pahne hai wo lal shaloka dur se chamke aag ka luka ghussa chehre par jab aae ho jae wo lal bhabuka lal bhabuka kath-putli ne natak khela hathon mein mehndi ki lali gori gori kali kali baaten us ki tikhi tikhi rukhi rukhi phiki phiki kath-putli ne natak khela hanste hanste sab dukh jhela chun chun chun chun chun chun jhon jhon jhon jhan jhan jhan ghan ghan ghan san san san tan tan tan ghanta bola ghir aai phir sham ki bela kath-putli ne natak khela