sher kya hai husn ki har ek shai mein justuju ek nigar-e-husn se parde ke pichhe guftugu ek umid-e-subh nurani andheri raat mein mehr-e-tabinda ka jalwa sina-e-zarraat mein aarzu-e-bahr ka qatre ke dil mein irtiash ek ham-ahangi ki fitrat mazahir mein talash parda-e-har-lafz mein poshida mani ka shuur be-niyaz-e-jam-o-saghar ek ruhani surur ye latafat madde ka bar utha sakti nahin sher ki ismat hawas ki tab la sakti nahin