mujhe wo nazm likhni hai ki har andaz-e-mausiqi se dohraya karun jis ko magar ukta na jaun bar bar apne hi gane se yun hi bas zindagi ke saz par gaya karun jis ko magar ghabra na jaun zindagani ke fasane se mujhe wo nazm likhni hai ki jis mein zohra-o-nahid sab raqsan to hon lekin kabhi mazdur ke andoh-gin rukhsar bhi dekhun hazaron raqs-ha-e-dil-nashin pinhan to hon lekin kabhi talwar ki haibat-faza jhankar bhi dekhun mujhe wo nazm likhni hai ki jis ko maut ki aawaz se nafrat to ho lekin payam-e-zindagi kuchh hausla-saman bhi hota ho bahaar-e-zindagi ghairat-dah-e-jannat to ho lekin gharib insan is jannat se kuchh shadan bhi hota ho mujhe wo nazm likhni hai
This is a great gane pe shayari. True lovers of garib shayari status will love this. Shayari is the most beautiful way to express yourself and this mazdoor shayari in urdu is truly a work of art. Please share if you liked this!!!