shahri hain ham-watan hai hindostan hamara
hai ye zamin hamari ye aasman hamara

wedant bhi hamara quran bhi hamara
allah bhi hamara bhagwan bhi hamara

diwali aur dashahra eid-uz-zuha moharram
dandi ki ye sawari aur ye nishan hamara

ye puja-path apna roza-namaz apni
izhaar-e-aqidat ka hai ye nishan hamara

autar aur payambar hain pasban hamare
sajde mein sar-nigun hai hindostan hamara