aao hath uthaen hum
hum ki rangin ghunche hain

gulshan-e-tamanna ke
hum ki shokh naghme hain

aarzu ki wina ke
aao hum dua mangen

is andheri duniya ko
raushni ki daulat de

jin dilon mein nafrat hai
un mein tu mohabbat de

ai khudae khushk-o-tar
tu hamein masarrat de

hai namuna dozakh ka
jin badon se ye duniya

un badon ke dil mein de
dard ek ek insan ka

jazba-e-mohabbat ko
aam kar de ai maula

phul chandni naghma
har kisi ka hissa ho

ho hansi har ek lab par
dard-o-gham fasana ho

sal-e-nau hamara ho
sal-e-nau hamara ho