shikwa-e-muKHtasar

mujhe shikwa nahin duniya ki un zohra-jabinon se
hui jin se na mere shauq-e-ruswa ki pazirai

mujhe shikwa nahin un pak baatin nukta-chinon se
lab-e-mojiz-numa ne jin ke mujh par aag barsai

mujhe shikwa nahin tahzib ke un pasbanon se
na lene di jinhon ne fitrat-e-shair ko angdai

mujhe shikwa nahin dair-o-haram ke aastanon se
wo jin ke dar pe ki hai muddaton main ne jabin-sai

mujhe shikwa nahin uftadagan-e-aish-o-ishrat se
wo jin ko mere haal-e-zar par aksar hansi aai

mujhe shikwa nahin un sahiban-e-jah-o-sarwat se
nahin aati mere hissa mein jin ki ek bhi pai

zamane ke nizam-e-zang-aluda se shikwa hai
qawanin-e-kuhan aain-e-farsuda se shikwa hai


2020-06-03 06:43:21 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close