abhi main raushni mein hun mera kirdar zinda hai meri tahrir zinda hai meri guftar zinda hai abhi sanson mein garmi hai abhi raftar zinda hai ragon mein daudte phirte lahu ki dhaar zinda hai musawwir ki qasam us ka hasin shahkar zinda hai main fitrat ka ujala hun andheron se nahin darta main harf-o-saut ke andhe luteron se nahin darta khuda-e-bartar-o-ala ka dil mein pyar zinda hai abhi main raushni mein hun mera kirdar zinda hai musawwir ki qasam us ka hasin shahkar zinda hai