zindan ki ek sham

sham ke pech-o-kham sitaron se
zina zina utar rahi hai raat
yun saba pas se guzarti hai
jaise kah di kisi ne pyar ki baat
sehn-e-zindan ke be-watan ashjar
sar-nigun mahw hain banane mein
daman-e-asman pe naqsh-o-nigar
shana-e-baam par damakta hai
mehrban chandni ka dast-e-jamil
khak mein ghul gai hai aab-e-nujum
nur mein ghul gaya hai arsh ka nil
sabz goshon mein nil-gun sae
lahlahate hain jis tarah dil mein
mauj-e-dard-e-firaq-e-yar aae
dil se paiham khayal kahta hai
itni shirin hai zindagi is pal
zulm ka zahr gholne wale
kaamran ho sakenge aaj na kal
jalwa-gah-e-visal ki shamen
wo bujha bhi chuke agar to kya
chand ko gul karen to hum jaanen
This is a great guddu ki gun shayari. True lovers of gujarati shayari na phota will love this. For some people shayari is the most enjoyable thing in life and they absolutely adore aamir khan shayari in sarfarosh. Please share if you liked this!!!