ek raat mein sau bar jala aur bujha hun

ek raat mein sau bar jala aur bujha hun
muflis ka diya hun magar aandhi se lada hun
jo kahna ho kahiye ki abhi jag raha hun
sounga to so jaunga din bhar ka thaka hun
qindil samajh kar koi sar kat na le aae
tajir hun ujale ka andhere mein khada hun
sab ek nazar phenk ke badh jate hain aage
main waqt ke show-case mein chup-chap khada hun
wo aaina hun jo kabhi kamre mein saja tha
ab gir ke jo tuta hun to raste mein pada hun
duniya ka koi hadsa khali nahin mujh se
main khak hun main aag hun pani hun hawa hun
mil jaunga dariya mein to ho jaunga dariya
sirf is liye qatra hun ki dariya se juda hun
har daur ne bakhshi mujhe mearaj-e-mohabbat
neze pe chadha hun kabhi suli pe chadha hun
duniya se nirali hai 'nazir' apni kahani
angaron se bach nikla hun phulon se jala hun

ek parinda abhi uDan mein hai

ek parinda abhi udan mein hai
tir har shakhs ki kaman mein hai
jis ko dekho wahi hai chup chup sa
jaise har shakhs imtihan mein hai
kho chuke hum yaqin jaisi shai
tu abhi tak kisi guman mein hai
zindagi sang-dil sahi lekin
aaina bhi isi chatan mein hai
sar-bulandi nasib ho kaise
sar-nigun hai ki saeban mein hai
khauf hi khauf jagte sote
koi aaseb is makan mein hai
aasra dil ko ek umid ka hai
ye hawa kab se baadban mein hai
khud ko paya na umr bhar hum ne
kaun hai jo hamare dhyan mein hai

hasad ki aag thi aur dagh dagh sina tha

hasad ki aag thi aur dagh dagh sina tha
dilon se dhul na saka wo ghubar-e-kina tha
zara si thes lagi thi ki chur chur hua
tere khayal ka paikar bhi aabgina tha
rawan thi koi talab si lahu ke dariya mein
ki mauj mauj bhanwar umr ka safina tha
wo jaanta tha magar phir bhi be-khabar hi raha
ajib taur tha us ka ajab qarina tha
bahut qarib se guzre magar khabar na hui
ki ujde shahr ki diwar mein dafina tha

hadsa wo jo abhi parda-e-aflak mein hai

hadsa wo jo abhi parda-e-aflak mein hai
aks us ka mere aaina-e-idrak mein hai
na sitare mein hai ne gardish-e-aflak mein hai
teri taqdir mere nala-e-bebak mein hai
ya meri aah mein hi koi sharar zinda nahin
ya zara nam abhi tere khas-o-khashak mein hai
kya ajab meri nawa-ha-e-sahar-gahi se
zinda ho jae wo aatish jo teri khak mein hai
tod dalegi yahi khak tilsim-e-shab-o-roz
garche uljhi hui taqdir ke pechaak mein hai

ek tha shaKHs zamana tha ki diwana bana

ek tha shakhs zamana tha ki diwana bana
ek afsana tha afsane se afsana bana
ek pari-chehra ki jis chehre se aaina bana
dil ki aaina-dar-aina pari-khana bana
khema-e-shab mein nikal aata hai gahe gahe
ek aahu kabhi apna kabhi begana bana
hai charaghan hi charaghan sar-e-ariz sar-e-jam
rang-e-sad-jalwa-e-jaanana sanam-khana bana
ek jhonka tere pahlu ka mahakti hui yaad
ek lamha teri dildari ka kya kya na bana

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close