zaban rakhta hun lekin chup khada hun
main aawazon ke ban mein ghir gaya hun

mere ghar ka daricha puchhta hai
main sara din kahan phirta raha hun [...]

ab ke barish mein to ye kar-e-ziyan hona hi tha
apni kachchi bastiyon ko be-nishan hona hi tha

kis ke bas mein tha hawa ki wahshaton ko rokna
barg-e-gul ko khak shoale ko dhuan hona hi tha [...]

wo siwa yaad aae bhulane ke baad
zindagi badh gai zahr khane ke baad

dil sulagta raha aashiyane ke baad
aag thandi hui ek zamane ke baad [...]

itna to zindagi mein kisi ke khalal pade
hansne se ho sukun na rone se kal pade

jis tarah hans raha hun main pi pi ke garm ashk
yun dusra hanse to kaleja nikal pade [...]

ret bhari hai in aankhon mein aansu se tum dho lena
koi sukha ped mile to us se lipat ke ro lena

us ke baad bahut tanha ho jaise jangal ka rasta
jo bhi tum se pyar se bole sath usi ke ho lena [...]

main aahen bhar nahin sakta ki naghme ga nahin sakta
sakun lekin mere dil ko mayassar aa nahin sakta

koi naghme to kya ab mujh se mera saz bhi le le
jo gana chahta hun aah wo main ga nahin sakta [...]