agar ye kah do baghair mere nahin guzara to main tumhaara
ya us pe mabni koi ta'assur koi ishaara to main tumhaara

ghurur-parwar ana ka malik kuchh is tarah ke hain nam mere
magar qasam se jo tum ne ek nam bhi pukara to main tumhaara [...]

ai dil-e-be-qarar chup ho ja
ja chuki hai bahaar chup ho ja

ab na aaenge ruthne wale
dida-e-ashk-bar chup ho ja [...]

pareshan raat sari hai sitaro tum to so jao
sukut-e-marg tari hai sitaro tum to so jao

hanso aur hanste hanste dubte jao khalaon mein
hamin pe raat bhaari hai sitaro tum to so jao [...]

jaane de sabr o qarar o hosh ko
tu kahan ai be-qarari jaegi

aap ki yaad aati rahi raat bhar
chandni dil dukhati rahi raat bhar

gah jalti hui gah bujhti hui
sham-e-gham jhilmilati rahi raat bhar [...]

aankh se dur na ho dil se utar jaega
waqt ka kya hai guzarta hai guzar jaega

itna manus na ho khalwat-e-gham se apni
tu kabhi khud ko bhi dekhega to dar jaega [...]