lamhe nae hain sal naya aarzu nai
himmat nahin hai rah nai justuju nai

lagti hai hum ko aaj har ek guftugu nai
ujla sa aaftab hai chhabbis january [...]

in shandar mahlon ko kya karun main le kar
lagta nahin hai mera dil aah in mein dam bhar

in mein nahin hai meri dil-bastagi ka manzar
dil kash kahin hai is se ujda hua mera ghar [...]

marhaba ai khak-e-pak-e-kishwar-e-hindostan
yaadgar-e-ahd-e-mazi hai tu ai jaan-e-jahan

kaise kaise auliya guzre aur qutub-e-zaman
jin ke qadmon ne banaya hai tujhe jannat-nishan [...]

ai laila-e-jamhuriyat
ai dilbar-e-hindostan

tujh se farogh-e-shama-e-shab
mahfil mein lau ki ibtida [...]

ghata hai ghanghor raat kali faza mein bijli chamak rahi hai
milan ka sina ubhaar par hai birah ki chhati dhadak rahi hai

hawa jo masti mein chur ho kar qadam qadam par bahak rahi hai
kamar hai har shakh-e-gul ki nazuk thahar thahar kar lachak rahi hai [...]

bade naz se aaj ubhra hai suraj
himala ke unche kalas jagmagae

pahadon ke chashmon ko sona banaya
nae bil nae zor in ko sikhae [...]