mere sae mein us ka naqsh-e-pa hai
bada ehsan mujh par dhup ka hai

hum tere sae mein kuchh der thaharte kaise
hum ko jab dhup se wahshat nahin karni aai

har shai hai pur-malal badi tez dhup hai
har lab pe hai sawal badi tez dhup hai

chakra ke gir na jaun main is tez dhup mein
mujh ko zara sambhaal badi tez dhup hai [...]

Wo hanste hnste rone lagi.

or dhop me barish hone lagi.

nazuk si kali murjha c gayi.

or ro kar mujh se kehne lagi.

tum chor na jana o sajan.

dil tor na jana o sajan.

tum kya jano dhop ki barish ko.

tum kya jano hijir k gham ko.

jab tum door thy mujh se o sajan.

mere hath ki chori aur kangn.

jab geet tumhare gaty thy.

mujhe yaad boht tum aaty thy.

main hnste hnste roti thi.

aur dhop mn barish hoti thi.

Aakhon Men Dhoop Dil Men Hararat...



Aakhon Men Dhoop Dil Men Hararat Lahu Ki Thi

Aatish Javan Tha To Kayamat Lahu Ki Thi



Jakhami Hua Badan To Vatan Yaad A Gaya

Apni Girah Men Ek Rivayat Lahu Ki Thi



Khanjar Chala Ke Mujh Pe Bahut Gamzada Hua

Bhai Ke Har Suluk Men Shiddat Lahu Ki Thi



Kohegiran Ke Samne Shishe Ki Kya Bisat

Ahadajun Men Sari Shararat Lahu Ki Thi



'Khalid' Har Ek Gam Men Barabar Ka Sharik Tha

Sare Jaha Ke Bich Rafakat Lahu Ki Thi

Ret Ki Surat Ja Pyasi Thi Aak Hamari Nam N Hue

Teri Dardgusari Se Bhi Ruh Ki Uljhan Kam N Hue



Shaakh Se Toot Ke Behurmat Hain Vaise Behurmat The

Hum Girte Patton Pe Malamat Kab Mausam Mausam N Hue



Naagfani Sa Shola Hai Jo Akhon Men Lahrata Hai

Raat Kabhi Hamdam N Bani Aur Nind Kabhi Marham N Hue



Ab Yaadon Ki Dhoop Chhav Men Parchhain Sa Firta Hu

Maine Bichhad Kar Dekh Liya Hai Duniya Naram Kadam N Hue



Meri Sahrajad Mohabbat Abrasia Ko Dhundti Hai

Ek Janam Ki Pyasi Thi Ek Bund Se Tajadam N Hue