gham diye hain to masarrat ke guhar bhi dena
ai khuda tu mujhe jine ka hunar bhi dena

hakim-e-waqt ye hijrat mujhe manzur magar
dam-e-rukhsat mujhe saman-e-safar bhi dena [...]

gham-e-ashiqi se kah do rah-e-am tak na pahunche
mujhe khauf hai ye tohmat tere nam tak na pahunche

main nazar se pi raha tha to ye dil ne bad-dua di
tera hath zindagi bhar kabhi jam tak na pahunche [...]

nadi ka aab diya hai to kuchh bahaw bhi de
meri ghazal ko naya-pan bhi de rachaw bhi de

chala ke sard hawa mujh ko munjamid bhi kar
pighal ke phailna chahun to ek alaw bhi de [...]

dar dar phirte logon ko dar de maula
banjaron ko bhi apna ghar de maula

jo auron ki khushiyon mein khush hote hain
un ka bhi ghar khushiyon se bhar de maula [...]

amn ki kar khairaat ata mere maula
jang-o-jadal ko dur hata mere maula

ab ke baras to shakhon pe phal-phul khilen
dharti ko gulzar bana mere maula [...]

na chaaragar ki zarurat na kuchh dawa ki hai
dua ko hath uthao ki gham ki raat kate