gale lagaen karen tum ko pyar eid ke din
idhar to aao mere gul-ezar eid ke din

ghazab ka husn hai aaraishen qayamat ki
ayan hai qudrat-e-parwardigar eid ke din [...]

chand lamhat ki har sal chale aate hain
jaise sahra mein gulabon ki mahak aa jae

jaise zulmat mein ujalon ki khanak aa jae
jaise aa jae tasawwur mein koi zohra-jabin [...]

ai jamal-e-dost teri did honi chahiye
gham-zadon ki bhi to aakhir id honi chahiye

jab nahin hai aap ko tark-e-talluq ka khayal
aap hi ke qaul se tardid honi chahiye [...]

lo id aai lo do puliye maidan mein bhar bazar laga
har chahat ka saman hua har neamat ka ambar laga

sab ujla shahr umand aaya shalwar saja dastar laga
is bhid ke biphre tufan mein jo dub gaya so par laga [...]

musalman qarz le kar eid ka saman kharidenge
jo dana hain wo bechenge jo hain nadan kharidenge

jo sayyan shauq se khaen wo siwayyan kharidenge
murkkab sud ka sauda ba-naqd-e-jaan kharidenge [...]

sajti thi kabhi tan pe jo thi eid ki achkan
sajte the kabhi ham, to kabhi eid ki achkan

sau sau tarah parwan chadhi eid ki achkan
ab itne ghate hum ki badhi eid ki achkan [...]