dilon ke mabain shak ki diwar ho rahi hai

dilon ke mabain shak ki diwar ho rahi hai
to kya judai ki rah hamwar ho rahi hai
zara sa mujh ko bhi tajraba kam hai raste ka
zara si teri bhi tez raftar ho rahi hai
udhar se bhi jo chahiye tha nahin mila hai
idhar hamari bhi umr be-kar ho rahi hai
shadid garmi mein kaise nikle wo phul-chehra
so apne raste mein dhup diwar ho rahi hai
bas ek talluq ne meri ninden uda rakhi hain
bas ek shanasai jaan ka aazar ho rahi hai
yahan se qissa shurua hota hai qatl-o-khun ka
yahan se ye dastan mazedar ho rahi hai
ye log duniya ko kis taraf le ke ja rahe hain
ye log jin ki zaban talwar ho rahi hai

bahut kam bolna ab kar diya hai

bahut kam bolna ab kar diya hai
kai mauqon pe ghussa bhi piya hai
tum hum se puchhte ho kya ki hum ne
bahut sa kaam nazron se liya hai
bahut garmi padi ab ke baras bhi
may aur june mushkil mein jiya hai
rafu aanchal pe tere hai to sun le
gareban chaak hum ne bhi siya hai
tumhaari guftugu batla rahi hai
kisi se ishq tum ne bhi kiya hai
bahut shir-o-shakar hain hum adab mein
to shams' hum mein koi kya mafiya hai

pareshan ho ke meri KHak aaKHir dil na ban jae

pareshan ho ke meri khak aakhir dil na ban jae
jo mushkil ab hai ya rab phir wahi mushkil na ban jae
na kar den mujh ko majbur-e-nawa firdaus mein huren
mera soz-e-darun phir garmi-e-mahfil na ban jae
kabhi chhodi hui manzil bhi yaad aati hai rahi ko
khatak si hai jo sine mein gham-e-manzil na ban jae
banaya ishq ne dariya-e-na-paida-karan mujh ko
ye meri khud-nigah-dari mera sahil na ban jae
kahin is aalam-e-be-rang-o-bu mein bhi talab meri
wahi afsana-e-dumbaala-e-mahmil na ban jae
uruj-e-adam-e-khaki se anjum sahme jate hain
ki ye tuta hua tara mah-e-kaamil na ban jae

go zara si baat par barson ke yarane gae

go zara si baat par barson ke yarane gae
lekin itna to hua kuchh log pahchane gae
garmi-e-mahfil faqat ek nara-e-mastana hai
aur wo khush hain ki is mahfil se diwane gae
main ise shohrat kahun ya apni ruswai kahun
mujh se pahle us gali mein mere afsane gae
wahshaten kuchh is tarah apna muqaddar ban gain
hum jahan pahunche hamare sath virane gae
yun to wo meri rag-e-jaan se bhi the nazdik-tar
aansuon ki dhund mein lekin na pahchane gae
ab bhi un yaadon ki khushbu zehn mein mahfuz hai
bar-ha hum jin se gulzaron ko mahkane gae
kya qayamat hai ki 'khatir' kushta-e-shab the bhi hum
subh bhi aai to mujrim hum hi gardane gae

dekhna har subh tujh ruKHsar ka

dekhna har subh tujh rukhsar ka
hai mutala matla-e-anwar ka
bulbul o parwana karna dil ke tain
kaam hai tujh chehra-e-gul-nar ka
subh tera dars paya tha sanam
shauq-e-dil mohtaj hai takrar ka
mah ke sine upar ai shama-ru
dagh hai tujh husn ki jhalkar ka
dil kun deta hai hamare pech-o-tab
pech tere turra-e-tarrar ka
jo sunya tere dahan sun yak bachan
bhed paya nuskha-e-asrar ka
chahta hai is jahan mein gar bahisht
ja tamasha dekh us rukhsar ka
aarsi ke hath sun darta hai khat
chor kun hai khauf chaukidar ka
sar-kashi aatish-mizaji hai sabab
nasehon ko garmi-e-bazar ka
ai 'wali' kyun sun sake naseh ki baat
jo diwana hai pari-rukhsar ka

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close