ek naghma ek tara ek ghuncha ek jam
ai gham-e-dauran gham-e-dauran tujhe mera salam

zulf aawara gareban chaak ghabrai nazar
in dinon ye hai jahan mein zindagani ka nizam [...]

main ye kis ke nam likkhun jo alam guzar rahe hain
mere shahr jal rahe hain mere log mar rahe hain

koi ghuncha ho ki gul ho koi shakh ho shajar ho
wo hawa-e-gulistan hai ki sabhi bikhar rahe hain [...]

hum ne khulne na diya be-sar-o-samani ko
kahan le jaen magar shahr ki virani ko

sirf guftar se zakhmon ka rafu chahte hain
ye siyasat hai to phir kya kahin nadani ko [...]

kala ambar pili dharti ya allah
ha-ha he-he hi-hi-hi-hi ya allah

kargil aur kashmir hi tere nam hon kyun
bhai bahan mahbuba beti ya allah [...]

insan mein haiwan yahan bhi hai wahan bhi
allah nigahban yahan bhi hai wahan bhi

khun-khwar darindon ke faqat nam alag hain
har shahr bayaban yahan bhi hai wahan bhi [...]

meri sari zindagi ko be-samar us ne kiya
umr meri thi magar us ko basar us ne kiya

main bahut kamzor tha is mulk mein hijrat ke baad
par mujhe is mulk mein kamzor-tar us ne kiya [...]