jala ke mishal-e-jaan hum junun-sifat chale
jo ghar ko aag lagae hamare sath chale

dayar-e-sham nahin manzil-e-sahar bhi nahin
ajab nagar hai yahan din chale na raat chale [...]

kisi din chand par hum log bhi rocket se jaenge
ye mana chand abhi ek ret ka maidan hai lekin

kisi din ja ke hum is ko hasin jannat banaenge
kisi din chand par hum log bhi rocket se jaenge [...]

mere junun ka natija zarur niklega
isi siyah samundar se nur niklega

gira diya hai to sahil pe intizar na kar
agar wo dub gaya hai to dur niklega [...]

masti-e-rindana hum sairabi-e-mai-khana hum
gardish-e-taqdir se hain gardish-e-paimana hum

khun-e-dil se chashm-e-tar tak chashm-e-tar se ta-ba-khak
kar gae aakhir gul-o-gulzar har virana hum [...]

kaam ab koi na aaega bas ek dil ke siwa
raste band hain sab kucha-e-qatil ke siwa

bais-e-rashk hai tanha-rawi-e-rah-raw-e-shauq
ham-safar koi nahin duri-e-manzil ke siwa [...]

ghabraen hawadis se kya hum jine ke sahaare niklenge
dubega agar ye suraj bhi to chand sitare niklenge

andaz-e-zamana kahta hai phir mauj-e-hawa rukh badlegi
angaron se gulshan phutega shabnam se sharare niklenge [...]