rakkhi hargiz na tere rukh ne rukh-e-badr ki qadr
khoi kakul ne bhi aakhir ko shab-e-qadr ki qadr

izzat-o-qadr ki us gul se tawaqqoa hai abas
wan na izzat ki kuchh izzat hai na kuchh qadr ki qadr [...]

nahin hawa mein ye bu nafa-e-khutan ki si
lapat hai ye to kisi zulf-e-pur-shikan ki si

main hans ke is liye munh chumta hun ghunche ka
ki kuchh nishani hai us mein tere dahan ki si [...]

mah hai agar ju-e-shir tum bhi zari-posh ho
dudh chhati ka use yaad dilane chalo

aaina-e-mah ko lal-e-lab apne dikha
chashma-e-kafur mein aag lagane chalo [...]

altaf bayan hon kab hum se ai jaan tumhaari surat ke
hain lakhon apni aankhon par ehsan tumhaari surat ke

munh dekhe ki ye baat nahin sach puchho to ab duniya mein
behosh kare hain pariyon ko insan tumhaari surat ke [...]

apni dhun mein rahta hun
main bhi tere jaisa hun

o pichhli rut ke sathi
ab ke baras main tanha hun [...]

tere chehre ki tarah aur mere sine ki tarah
mera har sher damakta hai nagine ki tarah

phul jage hain kahin tere badan ki manind
os mahki hai kahin tere pasine ki tarah [...]