sarfaroshi ki tamanna ab hamare dil mein hai
dekhna hai zor kitna bazu-e-qatil mein hai

ai shahid-e-mulk-o-millat main tere upar nisar
le teri himmat ka charcha ghair ki mahfil mein hai [...]

tu ilm-o-hunar se khaif hai
tu raushniyon se darta hai

o amn ke ghaarat-gar dushman
tu us din se bhi dar dushman [...]

utho hind ke baghbano utho
utho inqilabi jawano utho

kisanon utho kaam-garo utho
nai zindagi ke shararo utho [...]

masti-e-rindana hum sairabi-e-mai-khana hum
gardish-e-taqdir se hain gardish-e-paimana hum

khun-e-dil se chashm-e-tar tak chashm-e-tar se ta-ba-khak
kar gae aakhir gul-o-gulzar har virana hum [...]

khirad walo junun walon ke viranon mein aa jao
dilon ke bagh zakhmon ke gulistanon mein aa jao

ye daman o gareban ab salamat rah nahin sakte
abhi tak kuchh nahin bigda hai diwanon mein aa jao [...]

ghabraen hawadis se kya hum jine ke sahaare niklenge
dubega agar ye suraj bhi to chand sitare niklenge

andaz-e-zamana kahta hai phir mauj-e-hawa rukh badlegi
angaron se gulshan phutega shabnam se sharare niklenge [...]