qurbat bhi nahin dil se utar bhi nahin jata
wo shakhs koi faisla kar bhi nahin jata

aankhen hain ki khali nahin rahti hain lahu se
aur zakhm-e-judai hai ki bhar bhi nahin jata [...]

jo mere zikr par ab qahqahe lagata hai
bichhadte waqt koi haal dekhta us ka

chaaron jaanib rachi hui hai ashkon ki bu-bas
is raste se guzre honge qafile hijrat wale

bichhadte waqt dhalakta na gar in aankhon se
is ek ashk ka kya kya malal rah jata

dil hi to hai na sang-o-khisht dard se bhar na aae kyun
roenge hum hazar bar koi hamein satae kyun

it's just a heart, no stony shard why shouldn't it fill with pain
i will cry a thousand times,why should someone complain? [...]

wo to hashr tha magar us ki ab wo shabahaten bhi chali gain
jo rahen to shahr mein kya rahen ki qayamaten bhi chali gain

tere dam se thin sabhi raunaqen wo habib the ki raqib the
wo qarabaten to gai hi thin wo riqabaten bhi chali gain [...]