badi hi karbnak thi wo pahli raat hijr ki
dobara dil mein aisa dard aaj tak nahin hua

tum gul the hum nikhaar abhi kal ki baat hai
hum se thi sab bahaar abhi kal ki baat hai

begana samjho ghair kaho ajnabi kaho
apnon mein tha shumar abhi kal ki baat hai [...]

kitni be-nur thi din bhar nazar-e-parwana
raat aai to hui hai sahar-e-parwana

shama jalte hi yahan hashr ka manzar hoga
phir koi pa na sakega khabar-e-parwana [...]

chupke chupke raat din aansu bahana yaad hai
hum ko ab tak aashiqi ka wo zamana yaad hai

ba-hazaran iztirab o sad-hazaran ishtiyaq
tujh se wo pahle-pahal dil ka lagana yaad hai [...]

tere hote to bayaban bhi the gulshan sare
tu nahin hai to ye duniya hai bayaban jaanan

tanhai se hai sohbat din raat judai mein
kya khub guzarti hai auqat judai mein
rukhsat ho chala tha tab daman na tera thama
afsos ki malte hain ab hath judai mein
kiya zikr hai aansu ka zalim meri aankhon se
khun-nab hi tapke hai yak zat judai mein
jab wasl tha un rozon yak dil hi pe aafat thi
ab jaan ka hai sauda haihat judai mein
ye nala-o-zari ye khastagi o khwari
jidhar ko chalun 'joshish' hain sat judai mein