agar hai manzur ye ki howe hamare sine ka dagh thanda
to aa lipatiye gale se ai jaan jhamak se kar jhap charagh thanda

hum aur tum jaan ab is qadar to mohabbaton mein hain ek tan man
lagaya tum ne jabin pe sandal hua hamara dimagh thanda [...]

phir sawan rut ki pawan chali tum yaad aae
phir patton ki pazeb baji tum yaad aae

phir kunjen bolin ghas ke hare samundar mein
rut aai pile phulon ki tum yaad aae [...]

gali gali meri yaad bichhi hai pyare rasta dekh ke chal
mujh se itni wahshat hai to meri hadon se dur nikal

ek samay tera phul sa nazuk hath tha mere shanon par
ek ye waqt ki main tanha aur dukh ke kanton ka jangal [...]

gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo

bas ek moti si chhab dikha kar bas ek mithi si dhun suna kar
sitara-e-sham ban ke aaya ba-rang-e-khwab-e-sahar gaya wo [...]

apni dhun mein rahta hun
main bhi tere jaisa hun

o pichhli rut ke sathi
ab ke baras main tanha hun [...]

bechain bahut phirna ghabrae hue rahna
ek aag si jazbon ki dahkae hue rahna

chhalkae hue chalna khushbu lab-e-lalin ki
ek bagh sa sath apne mahkae hue rahna [...]