kisi bhi shahr mein jao kahin qayam karo
koi faza koi manzar kisi ke nam karo

dua salam zaruri hai shahr walon se
magar akele mein apna bhi ehtiram karo [...]

kath-putli hai ya jiwan hai jite jao socho mat
soch se hi sari uljhan hai jite jao socho mat

likha hua kirdar kahani mein hi chalta phirta hai
kabhi hai duri kabhi milan hai jite jao socho mat [...]

apna gham le ke kahin aur na jaya jae
ghar mein bikhri hui chizon ko sajaya jae

jin charaghon ko hawaon ka koi khauf nahin
un charaghon ko hawaon se bachaya jae [...]

din dhala raat phir aa gai so raho so raho
manzilon chha gai khamushi so raho so raho

sara din tapte suraj ki garmi mein jalte rahe
thandi thandi hawa phir chali so raho so raho [...]

raushni ke rup mein khushbu mein ya rangon mein aa
main tujhe pahchan lunga kitne hi chehron mein aa

band aankhon mein bhi kya hogi teri be-pardagi
chhin le mujh se ye ninden ya mere khwabon mein aa [...]

ba-nam-e-taqat koi ishaara nahin chalega
udas naslon pe ab ijara nahin chalega

hum apni dharti se apni har samt khud talashen
hamari khatir koi sitara nahin chalega [...]