kisi ki yaad satati hai raat din tum ko
kisi ke pyar se majbur ho gai ho tum

tumhaara dard mujhe bhi udas rakhta hai
qarib aa ke bahut dur ho gai ho tum [...]

hawaen jab ghantiyan bajaen to laut aana
kisi ki aankhen diye jalaen to laut aana

bahut dinon tak ye mausam-e-gul nahin rahega
jo shakh-e-jaan par gulab aaen to laut aana [...]

kuchh kahne ka waqt nahin ye kuchh na kaho khamosh raho
ai logo khamosh raho han ai logo khamosh raho

sach achchha par us ke jilau mein zahr ka hai ek pyala bhi
pagal ho kyun nahaq ko suqraat bano khamosh raho [...]

sukhe hue darakht ke patton ko dekhna
phir chehra-e-hatyat ke zakhmon ko dekhna

khush-rangi-e-hayat ka paoge aks tum
patthar uchhaal kar zara lahron ko dekhna [...]

shikwa nasib ka na kare bar bar tu
mushkil hayat hans ke hamesha guzar tu

kyun fikr haal-o-mazi ki karta hai roz-o-shab
sab us ko ikhtiyar hai be-ikhtiyar tu [...]

yunhi be-sabab na phira karo koi sham ghar mein raha karo
wo ghazal ki sachchi kitab hai use chupke chupke padha karo

koi hath bhi na milaega jo gale miloge tapak se
ye nae mizaj ka shahr hai zara fasle se mila karo [...]