duniya taraqqiyon pe hai mabud ki qasam
insan kar raha hai taraqqi qadam qadam

rakkhenge is tarah qad-e-baala ko medium
lambe manush se bandh ke nate ki ab qalam [...]

ye may ki pahli, din hai banda-e-mazdur ka
muddaton ke baad dekha is ne jalwa hur ka

ye jo rishta-dar tha hum sab ka lekin dur ka
mill ke malik ne ise rutba diya mansur ka [...]

aaj may ka pahla din hai aaj ka din mazdur ka din hai
zulm-o-sitam ke madd-e-muqabil hausla-e-jamhur ka din hai

aaj ka din ye ilm-o-hunar ka fikr-o-amal ki fath-o-zafar ka
aaj shikast-e-zulmat-e-shab hai aaj farogh-e-nur ka din hai [...]

dopahar ka waqt garma ki hawaen tez-tar
mehr ki tabish se pighle ja rahe hain dasht-o-dar

garm hai nahron ka pani sard hai nabz-e-bahaar
khushk patte jeb-o-daman kar rahe hain tartar [...]

waqt ka mara hua insan raunat ka shikar
jis ki mehnat ka natija azmat-e-sarmaya-dar

asl mein hindostan ka baadshah lekin ghulam
zindagi ki dusri manzil mein hai garm-e-khiram [...]

use kya farq padta hai
december bit jaane se

yakum tarikh aane se
kisi bhi sal-e-nau ke khair-maqdam par khushi ke shadyane se [...]