madar-e-hind ke fankar the mirza 'ghaalib'
apne fan mein bade hushyar the mirza 'ghaalib'

aap ka nam asadullah tha nau-shah laqab
mirza ghaalib se hue baad mein maruf-e-adab [...]

'ghaalib' ne ki ye arz khudawand-e-zul-jalal
jannat se kuchh dinon ke liye kar mujhe bahaal

mah-wash mere kalam ko sazon pe gae hain
qismat ne baad marne ke kya din dikhae hain [...]

andheri raat mein jab muskura uthte hain sayyare
tarannum phut padta hai mere saz-e-rag-e-jaan se

koi angdaiyan leta jab aa jata hai mahfil mein
tamanna karwaten leti hai paiham dukh-bhare dil mein [...]

ikkis baras guzre aazadi-e-kaamil ko
tab ja ke kahin hum ko 'ghaalib' ka khayal aaya

turbat hai kahan us ki maskan tha kahan us ka
ab apne sukhan-parwar zehnon mein sawal aaya [...]

'gandhi' ho ya 'ghaalib' ho
khatm hua donon ka jashn

aao unhen ab kar den dafn
khatm karo tahzib ki baat [...]

tum jo aa jao aaj dilli mein
khud ko paoge ajnabi ki tarah

tum phiroge bhatakte raston mein
ek be-chehra zindagi ki tarah [...]