meri beTi chalna sikh gai

meri beti ungli chhod ke
chalna sikh gai
sang-e-mil pe hindison ki pahchan se aage
aate jate raston ke har nam se aage
padhna sikh gai
jalti bujhti raushniyon aur rangon ki tartib
safar ki samton aur gadi ke pahiyon mein
uljhi rahon par
aage badhna sikh gai
meri beti duniya ke naqshe mein
apni marzi ke
rangon ko bharna sikh gai

magar zulm ke KHilaf

hum amn chahte hain magar zulm ke khilaf
gar jang lazmi hai to phir jang hi sahi
zalim ko jo na roke wo shamil hai zulm mein
qatil ko jo na toke wo qatil ke sath hai
hum sar-ba-kaf uthe hain ki haq fatah-yab ho
kah do use jo lashkar-e-baatil ke sath hai
is dhang par hai zor to ye dhang hi sahi
zalim ki koi zat na mazhab na koi qaum
zalim ke lab pe zikr bhi in ka gunah hai
phalti nahin hai shakh-e-sitam is zamin par
tarikh jaanti hai zamana gawah hai
kuchh kor-baatinon ki nazar tang hi sahi
ye zar ki jang hai na zaminon ki jang hai
ye jang hai baqa ke usulon ke waste
jo khun hum ne nazr diya hai zamin ko
wo khun hai gulab ke phulon ke waste
phutegi subh-e-amn lahu-rang hi sahi

jawed ke nam

dayar-e-ishq mein apna maqam paida kar
naya zamana nae subh o sham paida kar
khuda agar dil-e-fitrat-shanas de tujh ko
sukut-e-lala-o-gul se kalam paida kar
utha na shishagaran-e-farang ke ehsan
sifal-e-hind se mina o jam paida kar
main shakh-e-tak hun meri ghazal hai mera samar
mere samar se mai-e-lala-fam paida kar
mera tariq amiri nahin faqiri hai
khudi na bech gharibi mein nam paida kar

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close