saba ke hath pile ho gae

saba ke hath pile ho gae
main saat-e-sarshaar mein
lakhon duaen
khub-surat aarzuen
pesh karta hun
saba mamnun hai
lekin zaban hai
kuchh nahin kahti
saba ab roz o shab
diwar-o-dar tan par sajati hai
ab aanchal chhat ka sar par odhti hai
lams-e-farsh-e-marmarin se
panw ki tazin karti hai
wo kohsaron shagufta wadiyon jharnon
chamakte nil-gun aakash ke
naghme nahin gati
saba ab lala-o-gul ki taraf shayad nahin aati
saba shabnam-ada taswir-e-pa-basta
dar-e-rauzan mein aawezan
hasin nazuk badan
raushan munawwar sahilon par ab nahin bahti
saba lab kholti hai muskuraati hai
saba sargoshiyon mein
ab kisi se kuchh nahin kahti

mujhe ghar yaad aata hai

simat kar kis liye nuqta nahin banti zamin kah do
ye phaila aasman us waqt kyun dil ko lubhata tha
har ek samt ab anokhe log hain aur un ki baaten hain
koi dil se phisal jati koi sine mein chubh jati
inhi baaton ki lahron par baha jata hai ye bajra
jise sahil nahin milta
main jis ke samne aaun mujhe lazim hai halki muskurahat mein kahen ye hont tum ko
jaanta hun dil kahe 'kab chahta hun main'
inhi lahron pe bahta hun mujhe sahil nahin milta
simat kar kis liye nuqta nahin banti zamin kah do
wo kaisi muskurahat thi bahan ki muskurahat thi, mera bhai bhi hansta tha
wo hansta tha bahan hansti hai apne dil mein kahti hai
ye kaisi baat bhai ne kahi dekho wo amman aur abba ko hansi aai
magar yun waqt bahta hai tamasha ban gaya sahil
mujhe sahil nahin milta
simat kar kis liye nuqta nahin banti zamin kah do
ye kaisa pher hai taqdir ka ye pher to shayad nahin lekin
ye phaila aasman us waqt kyun dil ko lubhata hai
hayat-e-mukhtasar sab ki bahi jati hai aur main bhi
har ek ko dekhta hun muskuraata hai ki hansta hai
koi hansta nazar aae koi rota nazar aae
main sab ko dekhta hun dekh kar khamosh rahta hun
mujhe sahil nahin milta!

ek manzar

kachcha sa ek makan kahin aabaadiyon se dur
chhota sa ek hujra faraaz-e-makan par
sabze se jhankti hui khaprel wali chhat
diwar-e-chob par koi mausam ki sabz bel
utri hui pahad pe barsat ki wo raat
kamre mein laltain ki halki si raushni
wadi mein ghumta hua barish ka jal-tarang
sanson mein gunjta hua ek an-kahi ka bhed!

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close