chand maddham hai aasman chup hai
nind ki god mein jahan chup hai

dur wadi mein dudhiya baadal
jhuk ke parbat ko pyar karte hain [...]

dosto durd pilao ki kadi raat kate
mai mein kuchh aur milao ki kadi raat kate

aansuon se ye kadi raat nahin kat sakti
aaj mai-khana lundhao ki kadi raat kate [...]

khwabon se na jao ki abhi raat bahut hai
pahlu mein tum aao ki abhi raat bahut hai

ji bhar ke tumhein dekh lun taskin ho kuchh to
mat shama bujhao ki abhi raat bahut hai [...]

ek jam khanakta jam ki saqi raat guzarne wali hai
ek hosh-ruba inam ki saqi raat guzarne wali hai

wo dekh sitaron ke moti har aan bikharte jate hain
aflak pe hai kohram ki saqi raat guzarne wali hai [...]

tu hi anis-e-gham raha nala-e-gham-gusar-e-shab
yas-pasand jab hua bismil-e-intizar-e-shab

rang-e-shikast kyun na ho haal-e-umid-war-e-shab
tu hi to ishwa-gar hua bais-e-intishaar-e-shab [...]

andhi rahon ki uljhan mein bechaari ghabrai raat
pahle lahu mein phir aansu mein phir kirnon mein nahai raat

ek parde ko uth jaana tha ek chehre ko aana tha
kitni hasin thi kitni dilkash sharmai sharmai raat [...]