tumhein jab kabhi milen fursaten mere dil se bojh utar do

tumhein jab kabhi milen fursaten mere dil se bojh utar do
main bahut dinon se udas hun mujhe koi sham udhaar do
mujhe apne rup ki dhup do ki chamak saken mere khal-o-khad
mujhe apne rang mein rang do mere sare rang utar do
kisi aur ko mere haal se na gharaz hai koi na wasta
main bikhar gaya hun samet lo main bigad gaya hun sanwar do

tujh badan par jo lal sari hai

tujh badan par jo lal sari hai
aql us ne meri bisari hai
baal dekhe hain jab sun main tere
zulf si dil kun be-qarari hai
qad alif sa hua mera jiyun dal
ishq ka bojh sakht bhaari hai
sab ke sine ko chhed dala hai
palk teri magar katari hai
odhni udi par kanari zard
gird shab ke suraj ki dhaari hai
qahr o lutf o tabassum-o-khanda
teri har ek ada piyari hai
tirchhi nazran sun dekhna hans hans
mor se chaal tujh niyari hai
zinda 'faez' ka dil hua tujh sun
husn tera bi faiz-e-bai hai

tere ishq ki intiha chahta hun

tere ishq ki intiha chahta hun
meri sadgi dekh kya chahta hun
sitam ho ki ho wada-e-be-hijabi
koi baat sabr-azma chahta hun
ye jannat mubarak rahe zahidon ko
ki main aap ka samna chahta hun
zara sa to dil hun magar shokh itna
wahi lan-tarani suna chahta hun
koi dam ka mehman hun ai ahl-e-mahfil
charagh-e-sahar hun bujha chahta hun
bhari bazm mein raaz ki baat kah di
bada be-adab hun saza chahta hun

sar se pa tak wo gulabon ka shajar lagta hai

sar se pa tak wo gulabon ka shajar lagta hai
ba-wazu ho ke bhi chhute hue dar lagta hai
main tere sath sitaron se guzar sakta hun
kitna aasan mohabbat ka safar lagta hai
mujh mein rahta hai koi dushman-e-jaani mera
khud se tanhai mein milte hue dar lagta hai
but bhi rakkhe hain namazen bhi ada hoti hain
dil mera dil nahin allah ka ghar lagta hai
zindagi tu ne mujhe qabr se kam di hai zamin
panw phailaun to diwar mein sar lagta hai

lagta nahin hai dil mera ujDe dayar mein

lagta nahin hai dil mera ujde dayar mein
kis ki bani hai aalam-e-na-paedar mein
my heart, these dismal ruins, cannot now placate
who can find sustenance in this unstable state
kah do in hasraton se kahin aur ja basen
itni jagah kahan hai dil-e-dagh-dar mein
desires should be told to find some alternate
this scarred heart has no room to accomodate
kanton ko mat nikal chaman se o baghban
ye bhi gulon ke sath pale hain bahaar mein
a long life, four days in all, i did negotiate
two were spent in hope and two were spent in wait
bulbul ko baghban se na sayyaad se gila
qismat mein qaid likkhi thi fasl-e-bahaar mein
---
---
kitna hai bad-nasib 'zafar' dafn ke liye
do gaz zamin bhi na mili ku-e-yar mein
---
---

ku-ba-ku phail gai baat shanasai ki

ku-ba-ku phail gai baat shanasai ki
us ne khushbu ki tarah meri pazirai ki
the news of our affinity has spread to every door
he welcomed me like fragrance which he did adore
kaise kah dun ki mujhe chhod diya hai us ne
baat to sach hai magar baat hai ruswai ki
how can i say that i have been deserted by my beau
its true but this will cause me to be shamed for evermore
wo kahin bhi gaya lauta to mere pas aaya
bas yahi baat hai achchhi mere harjai ki
each time he deserted me, came back to me once more
i like this very aspect of my faithless paramour
tera pahlu tere dil ki tarah aabaad rahe
tujh pe guzre na qayamat shab-e-tanhai ki
just as your heart is full of love, be dear ones by your side
may pain of long and lonely nights be never in your store
us ne jalti hui peshani pe jab hath rakha
ruh tak aa gai tasir masihai ki
when he gently placed his hand upon my burning brow
it was as though the saviour's touch had infused my core
ab bhi barsat ki raaton mein badan tutta hai
jag uthti hain ajab khwahishen angdai ki
till even now in rainy climes, my limbs are aching, sore
the yen to stretch out languidly then comes to the fore

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close