har tafsil mein jaane wala zehn sawal ki zad par hai
har tashrih ke pichhe hai anjam se dar jaane ka gham

hai bikharne ko ye mahfil-e-rang-o-bu tum kahan jaoge hum kahan jaenge
har taraf ho rahi hai yahi guftugu tum kahan jaoge hum kahan jaenge

har mata-e-nafas nazr-e-ahang ki hum ko yaran hawas thi bahut rang ki
gul-zamin se ubalne ko hai ab lahu tum kahan jaoge hum kahan jaenge [...]

tumhaare khat mein naya ek salam kis ka tha
na tha raqib to aakhir wo nam kis ka tha

that new greeting in your note, from whom was it do say
if not my rival's signature, whose name was it then, pray? [...]

main chhu sakun tujhe mera khayal-e-kham hai kya
tera badan koi shamshir-e-be-niyam hai kya

meri jagah koi aaina rakh liya hota
na jaane tere tamashe mein mera kaam hai kya [...]

apna pata mujhe bata bahr-e-khuda tu kaun hai
tujh pe hain sare mubtala bahr-e-khuda tu kaun hai

nam-e-khuda suna kiya tere siwa nahin mila
sari sifat se hai bhara bahr-e-khuda tu kaun hai [...]

khuda-ra aa ke meri lo khabar kahan ho tum
mere habib mere chaara-gar kahan ho tum

na raston ki khabar aur na manzilon ka pata
kahan main jaun mere rahbar kahan ho tum [...]