mujhe tum apni banhon mein jakad lo aur main tum ko
kisi bhi dil-kusha jazbe se yaksar na-shanasana

nashat-e-rang ki sarshaari-e-haalat se begana
mujhe tum apni banhon mein jakad lo aur main tum ko [...]

duniya luti to dur se takta hi rah gaya
aankhon mein ghar ke khwab ka naqsha hi rah gaya

us ke badan ka loch tha dariya ki mauj mein
sahil se main bahaw ko takta hi rah gaya [...]

wo kaisi tarik ghadi thi
jab mujh ko ehsas hua tha

main tanha hun
us din bhi sidha-sada suraj nikla tha [...]

shahr ki raat aur main nashad o nakara phirun
jagmagati jagti sadkon pe aawara phirun

ghair ki basti hai kab tak dar-ba-dar mara phirun
ai gham-e-dil kya karun ai wahshat-e-dil kya karun [...]

wo aankhon par patti bandhe phirti hai
diwaron ka chuna chatti rahti hai

khamoshi ke sahraon mein us ke ghar
mare hue suraj hain us ki chhati par [...]

ho jaegi jab tum se shanasai zara aur
badh jaegi shayad meri tanhai zara aur

kyun khul gae logon pe meri zat ke asrar
ai kash ki hoti meri gahrai zara aur [...]