madrasa ya dair tha ya kaba ya but-khana tha
hum sabhi mehman the wan tu hi sahab-khana tha

wae nadani ki waqt-e-marg ye sabit hua
khwab tha jo kuchh ki dekha jo suna afsana tha [...]

to hi zahir hai tu hi baatin hai
tu hi tu hai to main kahan tak hun

yar ko hum ne ja-ba-ja dekha
kahin zahir kahin chhupa dekha

kahin mumkin hua kahin wajib
kahin fani kahin baqa dekha [...]

jag mein aa kar idhar udhar dekha
tu hi aaya nazar jidhar dekha

i came into this world and looked around
you, manifest, in every place, i found [...]

khabar-e-tahayyur-e-ishq sun na junun raha na pari rahi
na to tu raha na to main raha jo rahi so be-khabari rahi

shah-e-be-khudi ne ata kiya mujhe ab libas-e-barahnagi
na khirad ki bakhiya-gari rahi na junun ki parda-dari rahi [...]

ai meri jaan-e-arzu mane-e-iltifat kya
hoga na waqf-e-dil kabhi kaif-e-tabassumat kya

mast-e-nazar agar nahin saghar-e-dil mein baada-rez
bazm-e-nawazishat kya daur-e-tawajjohat kya [...]