din ek ke ba'd ek guzarte hue bhi dekh
ek din tu apne aap ko marte hue bhi dekh

har waqt khilte phul ki jaanib taka na kar
murjha ke pattiyon ko bikharte hue bhi dekh [...]

waqt ke sath sath insan ka
ek 'ajab rang hota jata hai

himmaten sath chhod deti hain
daera tang hota jata hai [...]

ranbhumi mein ladte ladte main ne kitne sal
ek din jal mein chhaya dekhi chatte ho gae baal

papad jaisi huin haddiyan jalne lage hain dant
jagah jagah jhurriyon se bhar gai sare tan ki khaal [...]

farz karo hum ahl-e-wafa hon, farz karo diwane hon
farz karo ye donon baaten jhuti hon afsane hon

farz karo ye ji ki bipta ji se jod sunai ho
farz karo abhi aur ho itni aadhi hum ne chhupai ho [...]

jam takrao waqt nazuk hai
rang chhalkao waqt nazuk hai

hasraton ki hasin qabron par
phul barsao waqt nazuk hai [...]

ma'rifat ke liye aagahi ke liye
nur-e-haq chahiye raushni ke liye

ji rahe hain kisi ki khushi ke liye
warna kya hai yahan zindagi ke liye [...]