tum kis soch mein dub gae ho
hath ka patthar pani ke sine par maro

chot to pani ko aaegi
pani chot ki tab na la kar [...]

ajib manzar hai barishon ka makan pani mein bah raha hai
falak zamin ki hudud mein hai nishan pani mein bah raha hai

tamam faslen ujad chuki hain na hal bacha hai na bail baqi
kisan girwi rakha hua hai lagan pani mein bah raha hai [...]

baithe hain sunahri kashti mein aur samne nila pani hai
wo hansti aankhen puchhti hain ye kitna gahra pani hai

betab hawa ke jhonkon ki fariyaad sune to kaun sune
maujon pe tadapti kashti hai aur gunga bahra pani hai [...]

kya kahte kya ji mein tha
shor bahut basti mein tha

pahli bund giri tap se
phir sab kuchh pani mein tha [...]

sahra sagar sab pani
sabza banjar sab pani

awwal awwal pani tha
aakhir aakhir sab pani [...]

bala ki pyas thi hadd-e-nazar mein pani tha
ki aaj khwab mein sahra tha ghar mein pani tha

phir is ke baad meri raat be-misal hui
udhar wo shoala-badan tha idhar mein pani tha [...]