mutthi bhar logon ke hathon mein lakhon ki taqdiren hain
juda juda hain dharm ilaqe ek si lekin zanjiren hain

aaj aur kal ki baat nahin hai sadiyon ki tarikh yahi hai
har aangan mein khwab hain lekin chand gharon mein tabiren hain [...]

zakhm nasur koi hone se
dard ugta hai dard bone se

wo tha markuz mere markaz par
aur udhadta raha main kone se [...]

aaj ka din kaise guzrega kal guzrega kaise
kal jo pareshani mein bita wo bhulega kaise

kitne din hum aur jiyenge kaam hain kitne baqi
kitne dukh hum kat chuke hain aur hain kitne baqi [...]

kya khabar subh ke sitare ko
hai use fursat-e-nazar kitni

phailti khushbuon ko kya malum
hai unhen mohlat-e-safar kitni [...]

zindagi hai ya koi tufan hai!
hum to is jine ke hathon mar chale

mujhe ye dar hai dil-e-zinda tu na mar jae
ki zindagani ibarat hai tere jine se