Samandar mein utarta hun to aankhen bheeg jati hain,

teri aankhon ko padhta hun to aankhen bheeg jati hain

tumhara naam likhne ki izazat chin gayi jab se,

koi bhi lafz likhta hun to aankhen bheeg jati hain!

Ashk khunab ho chale hain,

gham ki rangat badal chali hai

ya yun hi bujh rahi hain shamen,

ya shab-e-hijr tal chali hai!

Dard-e-gham-e-firaq se aankhen hain ashk-bar kya,

rone se hogi mukhtasar zahmat-e-intezar kya

zakhmon se chuur jo na ho seena-e-dagh-dar kya,

jis mein na ho hujum-e-gul kehiye use bahar kya!

Kaise kaise sitam uthaye hain,

zakhm kha kar bhi muskuraye hain

ashk aankhon mein dabdabaye hain,

ya sitare se jhilmilaye hain!

Kisi ki aankh mein aansu humein pasand nahi

dilon ke zakham dikhane ki zidd nahi karte!

Tumhara naam likhne ki izazat chhin gayi jab se

koi bhi lafz likhta hun to aankhein bheeg jaati hain!