aap bik jae koi aisa KHaridar na tha

aap bik jae koi aisa kharidar na tha
mere yusuf ke liye misr ka bazar na tha
khun hua ashk bana aur mizha se tapka
dil ki lazzat-kash-e-rangini-e-inkar na tha
mubtala hun tera jab se sanam-e-kufr-farosh
zulf-e-ta-dosh na thi dosh pe zunnar na tha
qissa-e-tur kabhi gosh-e-haqiqat se suno
shauq-e-didar ba-juz hasrat-e-didar na tha
ghaza-e-chehra-e-gul naqsh-o-nigar-e-hasti
koi qatra dil-e-khun-gashta ka bekar na tha
le gai wahshat-e-dil kal mujhe us aalam mein
besh-az-nuqta jahan gumbad-e-dwwar na tha
lazzat-e-dard se waqif tha dil-e-zar 'asar'
warna mar jaana tere hijr mein dushwar na tha

ise saman-e-safar jaan ye jugnu rakh le

ise saman-e-safar jaan ye jugnu rakh le
rah mein tirgi hogi mere aansu rakh le
tu jo chahe to tera jhut bhi bik sakta hai
shart itni hai ki sone ki taraazu rakh le
wo koi jism nahin hai ki use chhu bhi saken
han agar nam hi rakhna hai to khushbu rakh le
tujh ko an-dekhi bulandi mein safar karna hai
ehtiyatan meri himmat mere bazu rakh le
meri khwahish hai ki aangan mein na diwar uthe
mere bhai mere hisse ki zamin tu rakh le

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close