khanjar-e-shab jo utar jaenge aankhon mein meri
manzar-e-rafta thahar jaenge aankhon mein meri

zulm sahne ke liye rakhta hun patthar ka jigar
ashk-e-gham yunhi na bhar jaenge aankhon mein meri [...]

arz kuchh karna tha fursat ho agar
bol dun tum se mohabbat ho agar

qadmon par tere dobara hun fida
jism mein thodi bhi harkat ho agar [...]

gul tha bulbul thi gulistan mein magar tu hi na tha
kya gulistan wo gulistan tha agar tu hi na tha

shor-o-hangama to aashiq ko nahin deta hai zeb
sab hi zakhmi the wahan zer-o-zabar tu hi na tha [...]

nargisistan ki bhi tuk dekho phaban aaine mein
bagh mat jao ki hai amn-o-chaman aaine mein

lahren leta hai pada machchhi bhawan aaine mein
chum le tu hi bhala apna dahan aaine mein [...]

main ne kaha ki shahr ke haq mein dua karo
us ne kaha ki baat ghalat mat kaha karo

main ne kaha ki raat se bijli bhi band hai
us ne kaha ki hath se pankha jhala karo [...]

hasin chehron se surat-ashnai hoti rahti hai
samajh lo ibtidai karawai hoti rahti hai

hamari biwi aur mahngai donon hain sagi bahnen
hamari jeb ki aksar safai hoti rahti hai [...]