kabhi to dekh le ek bar muskura ke mujhe
tujhe bhi dard to hoga kahin rula ke mujhe

jo chal diye wo kabhi laut kar nahin aate
payam aae hain jati hui saba ke mujhe [...]

hai nafas nafas teri aarzu hai qadam qadam teri justuju
main jahan rahun main kahin chalun teri yaad milti hai ku-ba-ku

hai hawa mein jaise mahak teri kisi abr mein hai jhalak teri
meri sham ke ye nuqush bhi tere jaise lagte hain hu-ba-hu [...]

hai mere hind ki tahzib ki paikar urdu
apni mushtarka wirasat ki hai dukhtar urdu

is ke har lafz mein tahzib ki nurani hai
lafz-e-taban liye hai mere munawwar urdu [...]

din mein jita hun magar raat mein mar jata hun
ek talatum sa hai yaadon ka jidhar jata hun

main ne tujh jaise kisi shakhs ko chaha tha kabhi
ab to is baat ko sochun bhi to dar jata hun [...]

har kisi ke naqsh mein chehra tumhaara dhundhna
chaunkna kuchh dekh kar aur phir dobara dhundhna

wo to baadal tha hawa ki pairwi mein be-qadam
jis ne hum se tha kaha rasta hamara dhundhna [...]

main tha ek sham-e-sozan raat bhar uththa dhuan mujh se
suni duniya ne sau sau tarah dil ki dastan mujh se

mujhe nind aa gai thi rah ki thandi hawaon mein
main ek wamanda hun puchho hadis-e-karwan mujh se [...]