ye wo hasti hai kisi ki jo asiri mein nahin
jo faqiri mein maza hai wo amiri mein nahin

rahm farmana teri shan hai ai rabb-e-qadir
han sitam dhana teri shan-e-qadiri mein nahin [...]

dili chingariyon se jab koi shoala jawan hoga
khamoshi chikh utthegi aur insan be-zaban hoga

kabhi tum bhi to diwar-e-ana ko tod kar dekho
mohabbat ke siwa kuchh bhi na apne darmiyan hoga [...]

kisi la-ilaj rajai ne ye khabar chaman mein udai hai
koi patta jab na ho ped par to samajh lo fasl-e-gul aai hai

koi ishtirak zarur hai wo ho rang ka ki umang ka
mera dil bhi to gul-e-surkh hai tera hath bhi to hinai hai [...]

yas bhi hai hasrat bhi aashiqi se wabasta
saikdon hain hangame zindagi se wabasta

be-gharz zamane mein kaun kis se milta hai
dushmani bhi hoti hai dosti se wabasta [...]

na-bina gungi bahri wazarat pe aakh-thu
sau bar aaj-kal ki siyasat pe aakh-thu

bhuke hain ahl-e-ilm gadhe kha rahe hain khir
thu thu tere nizam-e-hukumat pe aakh-thu [...]

na shab-o-roz hi badle hain na haal achchha hai
kis barahman ne kaha tha ki ye sal achchha hai

hum ki donon ke giraftar rahe jaante hain
dam-e-duniya se kahin zulf ka jal achchha hai [...]