Chot Lagi To Apne Andar Chupke Chupke Ro Lete Ho
Achchi Baat Hai Aasani Se Jakhmon Ko Tum Dho Lete Ho
Din Bhar Koshash Karte Ho Sab Ko Gam Ka Darma Mil Jaaye
Nind Ki Goli Khakar Shab Bhar Befficry Men So Lete Ho
Apanon Se Mohtat Raho Sab Nahak Mushrik Samjhenge
Jyon Hi Achchi Murat Dekhi Pichhe Pichhe Ho Lete Ho
Khaushakhlaki Thik Hai Lekin Sehat Pe Dhyan Jaruri Hai
Baithe Baithe Sab Ke Dukh Men Apani Jaan Bhigo Lete Ho
'Ansari Ji' Aas N Rakkho Koi Tumhen Padh Payega
Kya Yah Kam Hai Palkon Men Tum Herfashok Piro Lete Ho