Hathon Ki Lakiron Ke Fareb Men Mat Aana

Jyotishon Ki Dukan Par Mukkadar Nahin Bikate

Na Jaane Kis Ke Muqadar Mein Likhe Ho Tum Magar,

Yeh Such Hain Ke Umeedwar Hum Ajj Bhi Hain!

Phoolon Ka Bikharna To Muqaddar Hi Tha Lekin

Kuch Is Mein Hawaon Kee Siyasat Bhi Bahut Thi!

kuchh itni der tak taqrir ki mansuba-bandi par
na dekha ye muqarrir ne ki ek ek seat khali hai
ruke jis dam wo dam lene to sadr-e-anjuman bolin
hamari nasl-e-ainda bhi ab aane hi wali hai

ai dil un aankhon par na ja
jin mein wafur-e-ranj se
kuchh der ko tere liye
aansu agar lahra gae
ye chand lamhon ki chamak
jo tujh ko pagal kar gai
in jugnuon ke nur se
chamki hai kab wo zindagi
jis ke muqaddar mein rahi
subh-e-talab se tirgi
kis soch mein gum-sum hai tu
ai be-khabar nadan na ban
teri fasurda ruh ko
chahat ke kanton ki talab
aur us ke daman mein faqat
hamdardiyon ke phul hain

jo mil gaya usi ko muqaddar samajh liya
jo kho gaya main us ko bhulata chala gaya