likhane nam sachche aashiqon mein jab bhi hum nikle
iradon mein hamare jaane kitne pech-o-kham nikle

ye socha tha ki ghar se bhag kar shadi rachaen
magar jab waqt aaya to na wo niklen na hum nikle [...]

begam se kaha hum ne jo fursat hai aap ko
patlun mein hamari batan ek tank do

ghusse se bolin aap hi khud tank len janab
biwi ka jab mazaq udate rahe hain aap [...]

agar dawat ho khane ki to is mein sochna kya hai
nahin gar ye khuda ki den to is ke siwa kya hai

jo ghar mein dal roti roz hi khae bila-nagha
wahi jaanega biryani matanjan mein maza kya hai [...]

na bana saka nasheman kisi ajnabi chaman mein
mera ghar jala hai jab se mere apne hi watan mein

mere zauq-e-khush-libasi ko farishte bhi to dekhen
main marun to dafn karna teri-len ke kafan mein [...]

ladao har kisi se yun na tum be-sakhta aankhen
kahin badnam na ho jaen shorat-yafata aankhen

murawwat rahm aur sharm-o-haya un mein nahin hoti
dikhane ke liye hoti hain jo khud-sakhta aankhen [...]

gham-e-musalsal ki is tapish mein ki jism jal jae aadmi ka
hansi ki halki phuwar bhi ho to kaam chal jae aadmi ka

maze ki gar zara bhi his hai na hansi ko aur qahqahe ko chhodo
chaman mein gar phul muskura de to dil bahal jae aadmi ka [...]