raat ki dhaDkan jab tak jari rahti hai

raat ki dhadkan jab tak jari rahti hai
sote nahin hum zimmedari rahti hai
jab se tu ne halki halki baaten kin
yar tabiat bhaari bhaari rahti hai
panw kamar tak dhans jate hain dharti mein
hath pasare jab khuddari rahti hai
wo manzil par aksar der se pahunche hain
jin logon ke pas sawari rahti hai
chhat se us ki dhup ke neze aate hain
jab aangan mein chhanw hamari rahti hai
ghar ke bahar dhundhta rahta hun duniya
ghar ke andar duniya-dari rahti hai

phul ne Tahni se uDne ki koshish ki

phul ne tahni se udne ki koshish ki
ek tair ka dil rakhne ki koshish ki
kal phir chand ka khanjar ghonp ke sine mein
raat ne meri jaan lene ki koshish ki
koi na koi rahbar rasta kat gaya
jab bhi apni rah chalne ki koshish ki
kitni lambi khamoshi se guzra hun
un se kitna kuchh kahne ki koshish ki
ek hi khwab ne sari raat jagaya hai
main ne har karwat sone ki koshish ki
ek sitara jaldi jaldi dub gaya
main ne jab tare ginne ki koshish ki
nam mera tha aur pata apne ghar ka
us ne mujh ko khat likhne ki koshish ki
ek dhuen ka marghola sa nikla hai
mitti mein jab dil bone ki koshish ki

pareshan ho ke meri KHak aaKHir dil na ban jae

pareshan ho ke meri khak aakhir dil na ban jae
jo mushkil ab hai ya rab phir wahi mushkil na ban jae
na kar den mujh ko majbur-e-nawa firdaus mein huren
mera soz-e-darun phir garmi-e-mahfil na ban jae
kabhi chhodi hui manzil bhi yaad aati hai rahi ko
khatak si hai jo sine mein gham-e-manzil na ban jae
banaya ishq ne dariya-e-na-paida-karan mujh ko
ye meri khud-nigah-dari mera sahil na ban jae
kahin is aalam-e-be-rang-o-bu mein bhi talab meri
wahi afsana-e-dumbaala-e-mahmil na ban jae
uruj-e-adam-e-khaki se anjum sahme jate hain
ki ye tuta hua tara mah-e-kaamil na ban jae

nahin ishq mein is ka to ranj hamein ki qarar o shakeb zara na raha

nahin ishq mein is ka to ranj hamein ki qarar o shakeb zara na raha
gham-e-ishq to apna rafiq raha koi aur bala se raha na raha
in love i harbour no regret, that peace, patience are nowhere
sorrow is still my intimate, if no one else, i do not care
diya apni khudi ko jo hum ne utha wo jo parda sa bich mein tha na raha
rahe parde mein ab na wo parda-nashin koi dusra us ke siwa na raha
when i erased the "self" in me, the veil no longer was between
no longer shrouded was he save him no other could be seen
na thi haal ki jab hamein apne khabar rahe dekhte auron ke aib o hunar
padi apni buraiyon par jo nazar to nigah mein koi bura na raha
while unknowing of myself, in others faults did often see
when my own shortcomings saw, found no one else as bad as me
tere rukh ke khayal mein kaun se din uthe mujh pe na fitna-e-roz-e-jaza
teri zulf ke dhyan mein kaun si shab mere sar pe hujum-e-bala na raha
--------
--------
in serving wine to me today, if she, alas, does now delay
impermanent, this age of youth, this time of joy shall go away
hamein saghar-e-baada ke dene mein ab kare der jo saqi to hae ghazab
ki ye ahd-e-nashat ye daur-e-tarab na rahega jahan mein sada na raha
in ages has the moon-faced one deigned to reveal herself to me
my calm, composure i have lost, she's lost her veiled timidity
kai roz mein aaj wo mehr-liqa hua mere jo samne jalwa-numa
mujhe sabr o qarar zara na raha use pas-e-hijab-o-haya na raha
--------
--------
tere khanjar o tegh ki aab-e-rawan hui jab ki sabil-e-sitam-zadgan
gae kitne hi qafile khushk-zaban koi tishna-e-ab-e-baqa na raha
--------
--------
mujhe saf batae nigar agar to ye puchhun main ro ro ke khun-e-jigar
male panw se kis ke hain dida-e-tar kaf-e-pa pe jo rang-e-hina na raha
--------
--------
use chaha tha main ne ki rok rakhun meri jaan bhi jae to jaane na dun
kiye lakh fareb karod fusun na raha na raha na raha na raha
pierced by a thousand darts of pain, writhing in dust i do remain
as by the twin-edged scimitar of airs and grace i have been slain
lage yun to hazaron hi tir-e-sitam ki tadapte rahe pade khak pe hum
wale naz o karishma ki tegh-e-do-dam lagi aisi ki tasma laga na raha
deem him not a human being, however wise he may appear
in pleasure he forgets the lord, and in anger him does not fear
'zafar' aadmi us ko na jaaniyega wo ho kaisa hi sahab-e-fahm-o-zaka
jise aish mein yaad-e-khuda na rahi jise taish mein khauf-e-khuda na raha

mata-e-harf bhi KHushbu ke ma-siwa kya hai

mata-e-harf bhi khushbu ke ma-siwa kya hai
hawa ke rukh pe na jaun to rasta kya hai
main zard bij hun aur sabz hona chahta hun
meri zamin teri mitti ka mashwara kya hai
ye meri kaghzi kashti hai aur ye main hun
khabar nahin ki samundar ka faisla kya hai
bikhar raha hun teri tarah main bhi ai zar-e-gul
so tujh se puchhta hun tera tajraba kya hai

maine ghaTe ka bhi ek sauda kiya

main ne ghate ka bhi ek sauda kiya
jis se jo wada kiya pura kiya
apni yaaden us se wapas mang kar
main ne apne-ap ko yakja kiya
kash us par chal bhi sakta main kabhi
umr bhar hamwar jo rasta kiya
sulh ka paiman kiya har shakhs se
aur apne-ap se jhagda kiya
ishq mein ek shakhs kya bichhda 'zafar'
main ne har parchhain ka pichha kiya

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close