tum apni sabz aankhen band kar lo

badalti rut
mere mathe pe jo likkhegi
wo sab jaanta hun main
ki main ne apne walid ki
jawani ki wo taswiren
bahut hi ghaur se dekhi hain
jin mein wo
kisi ki yaad ki parchhaiyon ko
apni aankhon mein chhupae
aasman ko tak rahe hain
ab wo aankhen meri aankhen hain
tum apni sabz aankhen band kar lo

surud-e-shabana

nim-shab chand khud-faramoshi
mahfil-e-hast-o-bud viran hai
paikar-e-iltija hai khamoshi
bazm-e-anjum fasurda-saman hai
aabshaar-e-sukut jari hai
chaar-su be-khudi si tari hai
zindagi juzw-e-khawab hai goya
sari duniya sarab hai goya
so rahi hai ghane darakhton par!
chandni ki thaki hui aawaz
kahkashan nim-wa nigahon se
kah rahi hai hadis-e-shauq-e-niyaz
saz-e-dil ke khamosh taron se
chhan raha hai khumar-e-kaif-agin
aarzu khwab tera ru-e-hasin

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close