bahut ji tarasta raha raat bhar

bahut ji tarasta raha raat bhar
jo hum se bhi mil lo mulaqat bhar
bisat-e-tamanna ulatte ho kyun
ki bazi ye khelenge hum raat bhar
hai aaankhon mein tufan ba-qadr-e-junun
hai dil mein tamanna kharabaat bhar
nahin mangte masti-e-jawedan
hamein chahiye mai mudaraat bhar
zara dekh lo mere dil ki taraf
ye chhal-bal wadiat nahin raat bhar
ghar aai umand kar ghata chaar or
khulegi tabiat na barsat bhar

sau chand bhi chamkenge to kya baat banegi

sau chand bhi chamkenge to kya baat banegi
tum aae to is raat ki auqat banegi
un se yahi kah aaen ki ab hum na milenge
aakhir koi taqrib-e-mulaqat banegi
ai nawak-e-gham dil mein hai ek bund lahu ki
kuchh aur to kya hum se mudaraat banegi
ye hum se na hoga ki kisi ek ko chahen
ai ishq hamari na tere sat banegi
ye kya hai ki badhte chalo badhte chalo aage
jab baith ke sochenge to kuchh baat banegi

ghar se nikla to mulaqat hui pani se

ghar se nikla to mulaqat hui pani se
kahan milti hai khushi itni farawani se
khush-libasi hai badi chiz magar kya kijiye
kaam is pal hai tere jism ki uryani se
samne aur hi diwar o shajar pata hun
jag uthta hun agar khwab-e-jahanbani se
umr ka koh-e-giran aur shab-o-roz mere
ye wo patthar hai jo katta nahin aasani se
sham thi aur shafaq phut rahi thi 'sarwat'
ek raqqasa ki jalti hui peshani se

aahaT bhi agar ki to tah-e-zat nahin ki

aahat bhi agar ki to tah-e-zat nahin ki
lafzon ne kai din se koi baat nahin ki
izhaar na aankhen na tahakkum na qarina
lahje ne bhi arse se mulaqat nahin ki
israr tha mathe pe na aankhon mein nami thi
tum ne to riayat bhi mere sath nahin ki
tartib diya us ke liye shor-e-ana ko
hum ne bhi kai din se bahut raat nahin ki
do chaar hawaon ke qadam dhup ke chhinte
'jawed' ne sheron mein nai baat nahin ki

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close